اضحك مع معمر القذافي

خواطر نفسيه

أنا عايز أعيط

 ماتعيط

أنا عايز أصوت

 ماتصوت

حتعيط ليه

على بؤسي

حتصوت ليه

على يأسي

طب بائس ليه

م الدنيا

طب يائس ليه

من حالي

وساكت ليه

مش عارف

ما تغير حالك

طب ازاي

حسن أفعالك

إزاي

أثر ف الدنيا بفعلك

وارغمها تطيعك بعقلك

تجري وراك وتسمع لك

ودايما تنفذلك طلبك

إيه رأيك قول إيه رأيك

مش هو ده أملك

ولا تيأس أبدا ولا تبأس

خليك على طول مع ربك

تعيش سعيد طول عمرك

استفتاء 2007

هذه القصيده كتبتها في عام 2007

يا شعب مصر استيقظوا


أعملوا العقول ولها استنفروا


فكم ضاعت حقوقا كثيرة


سنينا طوالا عنها نوم


العدو بينكم وديع المنظر


يمتص الدماء دونما تشعروا


هو ابن الأرض لكنه


خان العهود وبالحجة يتلعثم


ترى للقول منه عذوبة


وللفعل عليكم بالوبال يرجع


فيصب عليكم بسموم مكره


وأنتم لا تدروا ولا تفكروا


بعدما أوقف العقل منكم مرة

فأصبحتم لأنفسكم تجهلوا


واليوم يأتيكم بدستور خداعه


ليأخذ التصديق عليه منكمو


حتى إذا أقام القصاص عليكمو


بدون جرم أنتم ارتكبتمو


فيكون التصديق له حجة


وأنتم ىعلى أنفسكم حكمتمو


هبوا جميعا قوموا قفوا


في وجه العدو وله أوقفوا


وأزيحوا الغشاوة عن عيونكم


حتى لحقيقة أفعاله تروا


وتقولون له لا فقد مضى


ظلام الجهل وللقيود كسروا

قصة رائعة يرويها الشعراوي

خالتي ستيته

طلع النهار وانا ماشي وسط الزرع والخضار قابلتني خالتي ستيته على فين رايحه ياخاله رايحه الغيط أودي الفطار للحمار قصدي ابني الواد بهنساوي

راحت مالقيتهوش أتاريه خاف من خيال المآته افتكره جده شحاته الله يرحمه خد بعضه وجري ع الدار

قابلته سألته مالك يا واد قلي جدي لقيته في الغييط فخفت منه أوام وجريت

بصيت لقيته فعلا أبويه خفت أسلم عليه ياخدني ع التربه معاه

رجعت جري أوام ع الدار ولقيت هناك الواد جمعه قاعد مع جوزي وهاتك يا عياط قلت مالك يا واد ياجمعه مش مفروض انك في السوق بتشتري جاموستك رد قال ماهو الحمار أكل الجاموسه

يوه انت اتجننت يا ولا الحمار كلها ازاي يعني رد قال ماهو الحمار أكل العيش وأنا أصلي كنت مخبي الفلوس اللي حشتري بيها الجاموسه في كيس العيش

يوه جاتك نيله ياجحش طب ازاي حنطلع الجاموسه من بطن الحمار

رد جوزي قال نفتح بطنه ونعمله عمليه ونخيطهالوا تاني

وطبعا جمعه المجنون سمع كلام جوزي وفتح بطنه فمات الحمار وراحت  الجاموسه

قعدوا يعيطوا ويزيطوا

طلع بهنساوي ابني وقال يا عالم يامجانين كنتوا سيبوا الحمار وهو كان حيولد لكوا الجاموسه ضحكوا عليه كلهم بعد ما كانوا بيعيطوا

رديت انا بقا قولتلهم إييييييه

قولتلهم يا مجانين الجاموسه لوكانت موجوده كانت خدت الحمار وهربوا من هبلكوا على جنينة الحيوانات

أنا مين

أنا واحد ستيني مواليد الأربعينات

جيت للدنيادي كلي أمنيات

منها اللي تحقق ومنها اللي لسه ومنها اللي مات

أعرف انجليزي وطبعا عربي ونفسي أعرف كل اللغات

تربيت في القريه اللي اتولدت فيها وعشت فيها أسعد لحظات

وعدت كمان لحظات حزينه وده طبع الحياه أوقات أوقات

كبرت وطبعا جوزوني  وخلفت ولدين وتلات بنات

الولاد منهم واحد مشي صح والتاني قطره فات

والبنات ما أقولكووش البنات شربااااااااااات

يحبوني وانا أموت فيهم ماهم دول ثروتي يا حضرات

اشتغلت في البنك سنين وسنين لحد ما فاض بيه وتعبت آهات

ودلوقتي أنا عايش للعباده والتفكر والتسبيح والذكر والصلوات

بتمنى حسن الختام ورضا المولى وغفران الذنوب والهفوات

أنا بينكم هنا ضيف واتمنى صحبتكم  واتمنى اقضي معاكم أحلى الأوقات

يا رب يديمها صحبه ونفضل كده دايما إخوه وأخوات

لحظات

لحظات تمر علينا جميعا ولكن هيهات

 فالعمر محسوب بها منذ الميلاد حتى الممات

فمن فطن وتذكر واعتبر فقد أفلح عند الميقات

 ومن غاب عقله وفكره فقد هوى ومات

وما الحياة إلا لمن عاشها بيقين وثبات

 فأعملوا العقل عمرا طويلا و ليس هنيهات

حتى تحققوا المبتغى قبل الممات